Իրավաբան.net–ը Արփինե Հովհաննիսյանի Արդարադատության նախարար նշանակվելու մասին զրուցեց փաստբան Լիպարիտ Սիմոնյանի հետ:
Փաստաբանը նշեց, որ իր համար տվյալ դեպքում կարևոր է ոչ թե նորանշանակ նախարարի անձի խնդիրը, այլ նախարարի աշխատանքը. «Ոչ թե անուն-ազգանունով եմ նախարարին կարևորում, այլ` նրա կատարած աշխատանքով»:
Ըստ Փաստաբանի նախկին նախարարները չեն իրականացրել այն գործառույթները, որոնք պետք է իրականացներ Արդարադատության նախարարը. «Այսօրվա քաղաքական իրավիճակում այդքան էլ հույս չունեմ, որ նորանշանակ նախարարը կկարողանա բոլոր գործառույթները իրականացնել»:
Լիպարիտ Սիմոնյանը վերջում հավելեց նաև, որ մեզ մոտ կա հետաքրքիր տենդենց` պաշտոնի նշանակել բարեկամական հարաբերություններով:
Զ. Մանուչարյան
