Օգոստոսի 5-ին, ժամը 17.15-ին, ոստիկանության Երևան քաղաքի վարչության օպերատիվ կառավարման կենտրոնից Մաշտոցի բաժնում հաղորդում էր ստացվել, որ իրենց է զանգահարել մի տղամարդ և հայտնել, որ իր ծանոթուհուն` 1960 թ. ծնված Անի Մաջնունյանին այդ օրը ոչ ոք չի տեսել, և նա հեռախոսազանգերին չի պատասխանում: Մեկնած օպերատիվ խումբն իր բնակարանում հայտնաբերել էր Անի Մաջնունյանի դիակը` բազմաթիվ ծակած-կտրած վերքերով: Նշանակվել էր ԴԲՓ: Ոստիկանության քրեական հետախուզության գլխավոր և Երևան քաղաքի վարչությունների ու Մաշտոցի բաժնի ծառայողների ձեռնարկած օպերատիվ-հետախուզական միջոցառումների շնորհիվ, օգոստոսի 6-ին, ժամը 23.50-ին, սպանությունը կատարելու կասկածանքով Երևանի Տ.Պետրոսյան և Փիրումյան փողոցների խաչմերուկից բերման են ենթարկել 1995 թ. ծնված Մուշեղ Մ.-ին, որը օգոստոսի 7-ին ձերբակալվել է: Օգոստոսի 8-ին Մուշեղ Մ.-ին մեղադրանք է առաջադրվել ՀՀ քրեական օրենսգրքի 104 հոդվածի 2-րդ մասի 8-րդ կետի հատկանիշներով և նրա նկատմամբ որպես խափանման միջոց ընտրվել է կալանավորումը: Քննությունը շարունակվում է:
Ոստիկանությունը՝ էքստրասենի սպանության մասին
