Կյանքում պատահում են իրավիճակներ, երբ անհրաժեշտություն է առաջանում գոնի մի քանի օրով, իսկ երբեմն ամսով  արձակուրդ վերցնել: Իսկ եթե անձն արդեն իսկ օգտագործել է օրենքով իրեն հասանելիք ամենամյա արձակուրդը:

Հայաստանի երիտասարդ իրավաբանների ասոցիացիայի իրավաբան Գոհար Կոստանյանի խոսքով` նման բացառիկ դեպքերում աշխատողն իրավունք ունի գործատուից պահանջել չվճարվող արձակուրդի տրամադրում:

Չվճարվող արձակուրդ տրամադրվում է  հետևյալ դեպքերում և ժամկետներում`

• հղիության և ծննդաբերության  արձակուրդում գտնվող, ինչպես նաև մինչև մեկ տարեկան երեխային  խնամելու համար  արձակուրդում գտնվող  կնոջ ամուսնուն`  երկու ամիսը չգերազանցող ժամկետով,
• հաշմանդամ աշխատողին կամ  ընտանիքի հիվանդ անդամին  խնամող աշխատողին` բժշկական  եզրակացությամբ  սահմանված ժամկետներում, սակայն ոչ ավելի, քան երեսուն  օր տարվա ընթացքում,
• ամուսնության համար` երեք աշխատանքային օր,
• ընտանիքի մահացած անդամի թաղման համար ոչ պակաս երեք օրից:

Աղբյուրը` Իրավաբան.net