Չինացիներ 33-ամյա Չուան Վանգը և 48-ամյա Լիեն Ֆընգ Չունը մեղադրվում են 4 չինուհիների Հայաստանում սեռական և աշխատանքային թրաֆիքինգի ենթարկելու համար՝ ՀՀ քրեական օրնեսգրքի 132 հոդվածի 2-րդ մասի 1-ին, 2-րդ կետերով:
Համաձայն մեղադրական եզրակացության` նրանք նախնական համաձայնությամբ 2014 թվականի հոկտեմբեր-դեկտեմբեր ամիսներն ընկած ժամանակահատվածում կատարել են մարդկանց թրաֆիքինգ, մասնավորապես` նախորդ տարվա հոկտեմբերին Չինաստանում խաբեությամբ՝ Վրաստանում բարձր վարձատրությամբ մերսման աշխատանքով ապահովելու կեղծ խոստումով հավաքագրել են իր համաքաղաքացիների և նրանց տեղափոխել Հայաստան, որտեղ էլ սեռական և աշխատանքային թրաֆիքինգի են ենթարկել:
Գործը քննվում է Մալաթիա-Սեբաստիա վարչական շրջանի ընդհանուր իրավասության դատարանում` դատավոր Ռոբերտ Պապոյանի նախագահությամբ: Ամբաստանյալների հանդեպ որպես խափանման միջոց ընտրված է կալանավորումը:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
