«Եվրոպական Միության և Հայաստանի Հանրապետության միջև համագործակցության իրավական հիմքը հանդիսանում է 1996թ-ին  ՀՀ և Եվրոպական Ընկերակցության միջև կնքված Գործընկերության և Համագործակցության Համաձայնագիրը,  որն ի թիվս այլ նպատակներ` ընդգծում է… շուկայական տնտեսության զարգացման  նպատակով տնտեսությանազատականացման առաջնակարգ կարևորությունը»,- Իրավաբան.net-ի լրագրողի հետ զրույցի ժամանակ հայտնեց Հայաստանի երիտասարդ իրավաբանների ասոցիացիայի իրավաբան Գոհար Կոստանյանը:

Վերջինիս խոսքով` ԵՄ-ՀՀ համագործակցության հաջորդ փուլը սկսվեց 2004թ., երբ Հայաստանի Հանրապետությունը, ի թիվս այլ պետությունների, ընդգրկվեց ԵՄ հարևանության քաղաքականության մեջ:

«Արևելյան Գործընկերությունն առավել խորացավ, երբ 2008 թվականի դեկտեմբերի 3-ին Բրյուսելում կայացած հանդիպման ժամանակ Եվրոպական Հանձնաժողովը առաջարկ  ներկայացրել նոր` Արևելյան գործընկերության վերաբերյալ, որը փոփոխության է ենթարկելու Հայաստանի, Ադրբեջանի, Բելառուսի, Վրաստանի, Մոլդովայի և Ուկրաինայի հետ ունեցած Եվրոպական միության արտաքին հարաբերությունները»,- հայտնում է Գոհար Կոստանյանը:

Այս գործընկերությունը ենթադրում է քաղաքական ինտեգրման ավելի բարձր աստիճան, որն իր մեջ ներառելու է նաև ասոցացված պայմանագրերի կնքման նոր հնարավորություններ, ինչպես նաև Եվրոպական Միության տնտեսության մեջ ներգրավվելու հեռանկարային նպատակներ:

Աղբյուրը` Իրավաբան.net