Այսօր Փարիզում ոչ թե տեղի կունենա Մարդու իրավունքների եվրոպական դատարանում (ՄԻԵԴ) Հայաստանի դատավորի ընտրությունը, այլ ընտրության հանձնաժողովի նիստը: Այս մասին Իրավաբան.net-ին փոխանցեց «Իրավունքի Եվրոպա միավորման» նախագահ Լուսինե Հակոբյանը:
Նա ասաց. «Նիստի ընթացքում մի քանի պետություններիc ներկայացված թեկնածուները, այդ թվում՝ Հայաստանի թեկնածուները հարցազրույցներ են հանձնելու: Այդ նիստերը տեղի են ունեցել երեկվանից և այսօր էլ ավարտվելու են: Արդյունքում հանձնաժողովը երաշխավորելու է թեկնածուներից որևէ մեկին կամ բոլորին կամ էլ մերժելու է ցուցակը: Սա հարցազրույցների գործընթացն է»:
Մեր զրուցակիցը փոխանցեց, որ եթե հանձնաժողովը հաստատի թեկնածուի կամ թեկնածուների հայտն, ապա ընտրությունը տեղի է ունենալու ԵԽԽՎ-ի լիագումար նիստին:
