ՀՀ նախագահ Սերժ Սարգսյանը հրամանագիր է ստորագրել՝ կինոռեժիսոր և դերասան Ռոբեր Գեդիգյանին պարգևատրելու վերաբերյալ: Հրամանագրում կարդում ենք.
«Ղեկավարվելով Հայաստանի Հանրապետության Սահմանադրության 55-րդ հոդվածի 16-րդ կետով և հիմք ընդունելով «Հայաստանի Հանրապետության պետական պարգևների և պատվավոր կոչումների մասին» Հայաստանի Հանրապետության օրենքը` որոշում եմ.
Հայ-ֆրանսիական մշակութային կապերի զարգացման, հայապահպանության ամրապնդման գործում ներդրած ավանդի համար կինոռեժիսոր և դերասան Ռոբեր Գեդիգյանին (Ֆրանսիա) պարգևատրել Պատվո շքանշանով»:
