Սերժ Սարգսյանը համապատասխան հրամանագրով դադարեցրեց իրակի մարզի ընդհանուր իրավասության առաջին ատյանի դատարանի դատավոր Մարտին Սարոյանի լիազորությունները: Նախագահի հրամանագրում ասվում է.
«Ղեկավարվելով Հայաստանի Հանրապետության Սահմանադրության 55-րդ հոդվածի 11-րդ, Հայաստանի Հանրապետության դատական օրենսգրքի 167-րդ հոդվածի 4-րդ մասի 2-րդ կետերով և հիմք ընդունելով Արդարադատության խորհրդի 2015 թվա-կանի մարտի 12-ի ԱԽ-8-Ո-11 որոշմամբ ներկայացված առաջարկությունը` որոշում եմ.
Հայաստանի Հանրապետության Շիրակի մարզի ընդհանուր իրավասության առաջին ատյանի դատարանի դատավոր Մարտին Սարոյանի լիազորությունները 2015 թվականի մարտի 16-ից համարել դադարած»,- ասված է ՀՀ նախագահի որոշում մեջ:
Ստորև ներկայացնում ենք Մարտին Սարոյանի կենսագրությունը.
Ծնվել է 1950 թվականին Ախուրյանի շրջանի Առափի գյուղմ։
1981 թվականին ավարտել է ԵՊՀ բանասիրական ֆակուլտետը։
1991 թվականին ավարտել է ԵՊՀ իրավաբանական ֆակուլտետը։
1982 թվականից մինչև 1991 թվականն աշխատել է Սպանդարյանի ժողդատարանում՝ որպես դատական նիստերի քարտուղար։
1991 թվականից մինչև 1996 թվականն աշխատել է Սպանդարյանի շրջանային ժողդատարանի դատավոր։
1996 թվականից մինչև 1999 թվականն աշխատել է Անիի ժողդատարանում՝ որպես դատավոր։
1999 թվականից առ այսօր աշխատում է Շիրակի մարզի ընդհանուր իրավասության դատարանի դատավոր։
