Նիդեռլանդների խորհրդարանի Քրիստոնեական միություն խմբակցության ղեկավար Արի Սլոբը hայերի և արամեացիների ցեղասպանության մասին ցուցահանդես է բացել:
Ըստ Twentsefot site-ի, հոլանդացի պատգամավորի հետ միասին ցուցահանդեսը բացել է այդ երկրում Հայաստանի դեսպան Ձյունիկ Աղաջանյանը: Բացմանը շուրջ 150 մարդ է մասնակցել:
Ներկայացված են ոչ մահմեդական ժողովուրդների հանդեպ Օսմանյան կայսրության եւ երիտթուրքերի դաժանությունների մասին վկայող լուսանկարներ եւ փաստաթղթեր:
Ցուցահանդեսի նախաձեռնողը «1915 հանձնաժողովն» է, որը միավորում է Նիդեռլանդների հայկական եւ արամեական կազմակերպություններին: Նման ցուցադրություններ կազմակերպվելու են նաև երկրի մի շարք այլ քաղաքներում:
