ՀՀ Սահմանադրական դատարանի մամուլի ծառայությունը հայտարարություն է տարածել հետևյալ բովանդակությամբ:
««Ժամանակ» թերթն օգոստոսի 26-ին «տեղեկատվություն» է տարածել՝ «Գագիկ Հարությունյանին չի հաջողվել համոզել Ծառուկյանին» վերտառությամբ։ Հոդվածն ամբողջությամբ հորինվածք է։
Գագիկ Հարությունյանն երբեւիցե Գագիկ Ծառուկյանի հետ նման հարց չի քննարկել, մտերմական հարաբերություններով հանդերձ վերջին ամիսներին նրա հետ որեւէ առանձնազրույց չի ունեցել։ Ու ընդհանրապես` սահմանադրական բարեփոխումների հարցում Հարությունյանը մասնագիտական քննարկումներից ու հանրային իրազեկումից բացի որեւէ մակարդակում գաղտնի կամ ոչ գաղտնի հանդիպումներ չի ունենում։
Նման ապատեղեկատվությունը կարող է գնահատվել միայն ինչ-ինչ քաղաքական նպատակ հետապնդող պարզունակ ու անհաջող քայլ։»
