ՀՀ վարչապետ Հովիկ Աբրահամյանի որոշմամբ «Հայաստանի Հանրապետությունում կեղծ դեղերի կանխարգելում» ծրագրի նախագծի մշակման նպատակով ստեղծվել է միջգերատեսչական աշխատանքային խումբ:
Կայացրած որոշման մեջ վարչապետը մասնավորապես նշում է.
«Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետը`
1. «Հայաստանի Հանրապետությունում կեղծ դեղերի կանխարգելում» ծրագրի նախագծի մշակման նպատակով ստեղծել միջգերատեսչական աշխատանքային խումբ և հաստատել դրա անհատական կազմը` համաձայն հավելվածի:
2. Միջգերատեսչական աշխատանքային խմբի ղեկավարին` վեցամսյա ժամկետում մշակել «Հայաստանի Հանրապետությունում կեղծ դեղերի կանխարգելում» ծրագրի նախագիծը և սահմանված կարգով ներկայացնել Հայաստանի Հանրապետության վարչապետին»:
Միջգերատեսչական աշխատանքային խմբի կազմին կարող եք ծանոթանալ այստեղ:
