Երևանի քաղաքապետ Տիգրան Ավինյանը դեկտեմբերի 25-ին կարգադրություն է ստորագրել, որով պարգևատրվել են Հայաստանի Հանրապետությունը միջազգային ասպարեզում ներկայացրած, Աշխարհի ու Եվրոպայի առաջնություններում, Օլիմպիական խաղերում հաղթանակ տարած երևանցի մարզիկ-մարզուհիները։
Կարգադրության մեջ ասվում է․
«Հանձնարարել Երևանի քաղաքապետարանի աշխատակազմի ֆինանսական վարչության պետին՝ Երևան քաղաքի 2024 թվականի բյուջեով Երևանի քաղաքապետարանի (առանց վարչական շրջանների) մասով բյուջետային ծախսերի գործառական դասակարգման 08 բաժին 1 խմբի 1 դասի «1.Սպորտային միջոցառումների կազմակերպում» ծրագրով և տնտեսագիտական դասակարգման «Կրթական, մշակութային և սպորտային նպաստներ բյուջեից» հոդվածով նախատեսված գումարներից, որպես պարգևատրում հատկացնել Հայաստանի Հանրապետությունը միջազգային ասպարեզում ներկայացրած, Աշխարհի ու Եվրոպայի առաջնություններում, Օլիմպիական խաղերում հաղթանակ տարած երևանցի մարզիկ-մարզուհիներին և իրենց մարզիչներին 40.000,0 (քառասուն միլիոն) հազար դրամ գումար՝ համաձայն կից հավելվածի:
2. Սույն կարգադրության կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի սպորտի և երիտասարդության հարցերի վարչության պետի վրա:
3. Կարգադրության կատարման հսկողությունը դնել Երևանի քաղաքապետի առաջին տեղակալ Արմեն Փամբուխչյանի վրա»: 
