Ավելի վաղ հայտնել ենք, Հակակոռուպցիոն դատարանում վերսկսվել է Մարտի 1-ի գործի քննությունը։ Դատարան են ներկայացել Յուրի Խաչատուրովը, Սեյրան Օհանյանը, Արմեն Գևորգյանը։
ՀՀ 2-րդ նախագահ Ռոբերտ Քոչարյանը դատարան չի ներկայացել` արտերկրում գտնվելու և նիստի մասին ծանուցում ստացած չլինելու պատճառաբանությամբ։
Հարցին, թե ինչ որոշում է ներկայացվելու, դատախազն ասաց՝ այս գործով արձանագրվել է՝ այն դեպքերում, երբ արարքը պարունակում է քրեական օրենսգրքով նախատեսված հանցագործության այլ հատկանիշներ, մեղադրողն իրավասու է փոխել մեղսագրվող արարքի իրավաբանական, իրավական գնահատականը։
«Բնականաբար, իրավական որակումը փոխվելու է, համապատասխան որոշում է ներկայացվելու դատարանին և մեղադրյալներին, ու այդ մասին բոլորը կիմանան»,-ասաց Հովհաննիսյանը։
Դատախազը ասաց՝ մեղադրանքի վերաորակման մասին համապատասխան որոշում կկայացվի։
Մանրամասները՝ տեսանյութում։
