Գլխավոր դատախազությունը հայցադիմում է ներկայացրել Հակակոռուպցիոն դատարան ընդդեմ «Գռզո Պլազա» սահմանափակ պատասխանատվությամբ ընկերության։
Iravaban.net-ի փոխանցմամբ՝ հայցվորը պահանջում է անվավեր ճանաչել ընկերության հետ կնքված պայմանագիրը և կիրառել անվավերության հետևանքներ։
Գործով 3-րդ անձ է ներգրավված Կադաստրի կոմիտեն։ Նախագահող դատավոր է նշանակվել Ռուդոլֆ Ավագյանը։
Հայցադիմումը և կից փաստաթղթերը մուտքագրվել են դատարանի գրասենյակ հունիսի 14, իսկ դատավորի աշխատակազմին է հանձնվել հունիսի 17-ին։
Հունիսի 26-ին Ռուդոլֆ Ավագյանը որոշել է հայցադիմումը վարույթ ընդունել։ Գործի մասին այլ մանրամասներ դեռևս հայտնի չեն։
