Շիրակի մարզի Ախուրյանի խոշորացված համայնքի Հովունի գյուղի կրակարանում ռուս զինծառայող է սպանվել։
Գյումրի բժշկական կենտրոնի փոխտնօրեն Արմեն Խաչատրյանը Iravaban.net–ի հետ զրույցում հաստատեց, որ ժամը 13:55-ին հիվանդանոց է տեղափոխվել 22-ամյա Ռոման Շատերնիկովը՝ պարանոցի, իրանի ձախ կեսի հրազենային մահացու վնասվածքներով։
Նրան բժշկական օգնություն ցուցաբերել հնարավոր չի եղել․ նրա մոտ կենսաբանական մահ է գրանցվել։
Արմեն Խաչատրյանը նշել է, որ մանրամասները հայտնի կդառնան դատաբժշկական փորձաքննությունից հետո։
