Կանխատեսվում է, որ լիթիումի արտադրությունը առաջիկա 5 տարում կավելանա 60 տոկոսով։ Այս մասին այսօր՝ փետրվարի 29-ին, Հայաստանի ազգային պոլիտեխնիկական համալսարանում «ՀՀ-ում լիթիումի ուսումնասիրությունների արդի վիճակը և կորզման հիմնախնդիրները» աշխատաժողովի ժամանակ ասաց ՀԱՊՀ, Լեռնամետալուրգիայի և քիմիական տեխնոլոգիաների ինստիտուտի տնօրեն Արմեն Հովհաննիսյանը։
«Ընդհանրապես կրիտիկական մետաղների պաշարների և օգտագործման ծավալների անհամապատասխանությունը ստիպում է աշխարհին փնտրել նոր աղբյուրներ, դրանք փոխարինել»,- ասաց նա։
