Հայաստանի Հանրապետությունն ինչու՞ իր բանակը չի անվանում Հայաստանի Հանրապետության բանակ, այլ անվանում է Հայոց բանակ։ Այս մասին այսօր ասաց Նիկոլ Փաշինյանը Հայաստանի Հանրային ռադիոյի «Անվտանգային միջավայր» հաղորդմանը տված հարցազրույցում:
«Հայեր կան Թուրքիայում, հայեր կան ամեն տեղ, հայեր կան Իրանում, Վրաստանում։ Այսինքն, ի՞նչ է նշանակում՝ Հայոց բանակը այն հայերի բանակն էլ է։ Էն հայերի ինչի՞ն է պետք բանակը։ ԱՄՆ հայերին բանակն ինչի՞ համար է պետք»,- հայտարարել է վարչապետը։
Նրա խոսքով՝ մենք ասում ենք՝ Հայոց բանակ ու մենք չենք նկատում դա, «մեզ համար այնքան սովորական բան է»։
