Հունվարի 24-ին, ժամը 08։46-ին Ճգնաժամային կառավարման կենտրոն ահազանգ է ստացվել, որ Երևանի Աբովյան փողոցի և Սայաթ-Նովայի պողոտայի խաչմերուկի մոտակայքում ծառը կոտրվել և ընկել ավտոմեքենայի վրա, տուժածներ չկան․ անհրաժեշտ է փրկարարների օգնությունը։
Այս մասին հայտնում են ՆԳՆ արտակարգ իրավիճակների նախարարությունից։
Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ ծառը շրջվել է կայանած «Toyota» (վարորդ՝ Ե․ Բ․), «Mitsubishi» (վարորդ՝ Գ․ Մ․) և «VAZ» (վարորդ՝ Ս․ Հ․) մակնիշների ավտոմեքենաների վրա։ Վնասվել են «Toyota» մակնիշի ավտոմեքենայի տանիքը և դիմապակին, «Mitsubishi» մակնիշի ավտոմեքենայի ծածկը և «VAZ» մակնիշի ավտոմեքենայի թափքը։
Փրկարարները ծառը հեռացրել են ավտոմեքենաների վրայից։
![](https://iravaban.net/wp-content/uploads/2024/01/422193264_342395168756592_7558572539162005540_n.jpg)
![](https://iravaban.net/wp-content/uploads/2024/01/422203826_342395212089921_1447597675729692814_n.jpg)