13 կգ թմրանյութ ենք հայտնաբերել, որից 5 կգ-ը կրիստալ, հերոին, ափիոն ու հաշիշ տեսակի թմրանյութեր էին։ Այս մասին այսօր՝ հունվարի 15-ին՝ մամուլի ասուլիսի ժամանակ հայտնեց ներքին գործերի նախարար Վահե Ղազարյանը՝ խոսելով թմրամիջոցների մասին պայքարից։
«Բացահայտման դեպքեր շատ կան, բայց հիմնականում բուսական ծագում ունեցող թմրամիջոցների՝ մաիխուանա տեսակի։ Դա հիմնականում տարածված է Երևան քաղաքում և մոտակա մարզերում»,- ասել է նախարարը։
Վահե Ղազարյանը նշեց, որ թմրամիջոցների դեմ պայքարի ռազմավարութուն են մշակում։ Հիշեցրեց, որ 2022թ․-ին քրեական ոստիկանության գլխավոր վարչությունում բացվել է համացանցի միջոցով թմրանյութերի շրջանառության դեմ պայքարի բաժին։
«Ունենք բավական արդյունավետ աշխատանք, և մենք նախատեսում ենք այս բաժինը դարձնել վարչություն»,- հավելեց նախարարը։
