ՀՀԿ փոխնախագահ Արմեն Աշոտյանը կմնա կալանավորված։ Հակակոռուպցիոն դատարանը՝ դատավոր Վահե Դոլմազյանի նախագահությամբ, որոշեց ևս երեք ամսով երկարացնել Արմեն Աշոտյանի կալանավորման ժամկետը՝ մերժելով պաշտպանների միջնորդությունը։
Նշենք, որ այսօր՝ հունվարի 8-ին, Հակակոռուպցիոն դատարանում ընթացող դատական նիստում քննարկվում էր Արմեն Աշոտյանի խափանման միջոց կալանքը փոխարինելու հարցը։
Նրա փաստաբան Ռուբեն Մելիքյանը միջնորդել է Աշոտյանի նկատմամբ որպես այլընտրանքային խափանման միջոց կիրառել տնային կալանքը` համակցված 40 մլն դրամ գրավի և երաշխավորությունների հետ։
Հիշեցնենք, որ ՀՀԿ փոխնախագահ Արմեն Աշոտյանը ձերբակալվել է հունիսի 15-ին, իսկ հունիսի 16-ին երկու ամսով կալանավորվել։
Ըստ մեղադրանքի՝ նա և Երևանի Հերացու անվան բժշկական համալսարանի նախկին ռեկտոր Միքայել Նարիմանյանը մեղադրվում են բուհին պատկանող մոտ 100 հազար դոլարի գույք հափշտակելու մեջ:
Նրանց մեղադրում են «Ծովասար» հյուրանոցային համալիրի քոթեջները ուռճացված գներով ձեռք բերելու համար այն ժամանակահատվածում, երբ ՀՀԿ փոխնախագահը գլխավորել է բուհի հոգաբարձուների խորհուրդը:
