Ստանիսլավսկու անվան ռուսական դրամատիկական թատրոնը տնօրենի նոր պաշտոնակատար ունի։ Տեղեկությունը հայտնում է թատրոնի մամուլի ծառայությունը։
Թատրոնի տնօրենի նոր պաշտոնակատարն է ռեժիսոր Սուրեն Շահվերդյանը: Նշվում է, որ Երևանի Կ. Ստանիսլավսկու անվան ռուսական պետական դրամատիկական թատրոնի կոլեկտիվին նրան ներկայացրեց ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը։
Նշանակումը կատարվել է վեց ամսով, որից հետո, ըստ օրենքի, տնօրենի թափուր պաշտոնի համար կհայտարարվի մրցույթ:
Նշենք, որ Կ. Ստանիսլավսկու անվան ռուսական դրամատիկական թատրոնի տնօրենի պաշտոնը 2019 թվականից զբաղեցնում էր «Արմմոնո» միջազգային թատերական փառատոնի տնօրեն, դերասանուհի Մարիաննա Մխիթարյանը: Օրերս նա հրաժարականի դիմում էր ներկայացրել։
Մարիաննա Մխիթարյանը կշարունակի աշխատել թատրոնում որպես տնօրենի խորհրդական:
Նշենք, որ 2002 թվականից մինչև հիմա Հայկական երկրորդ հեռուստաալիքով վարում է «Չէին սպասում», իսկ 2012-ից՝ նաև «Քաղցած սպասում էին» հաղորդումները:
