Հ.Մ․-ին մեղադրանք է առաջադրվել այն բանի համար, որ նա Ա․Ս․-ին հարկադրել է 2023 թվականի ապրիլ ամսից մինչև 2023 թվականի հոկտեմբեր ամիսն ընկած ժամանակահատվածում, քննությամբ դեռևս չպարզված օրերին և վայրերում սեռական հարաբերություններ ունենալ իր հետ:
Գործը դատարան ստացվել է 2023 թ․-ի դեկտեմբերի 27-ին։ Այն մակագրվել է դատավոր Արամայիս Ասատրյանին։
Iravaban.net-ը փոխանցում է, որ Հ.Մ․-ն դեռևս 2017 թվականին՝ քննությամբ դեռևս չպարզված օրը, ծանոթացել է Ա. Ս.-ի հետ և նրանց միջև ձևավորվել է մտերիմ (ինտիմ) հարաբերություններ:
2023 թվականի ապրիլ ամսից Ա. Ս.-ն ցանկացել է Հ․ Մ․-ի հետ ունեցած հարաբերությունները խզել, սակայն վերջինս Ա.Ս.-ին շանտաժի ենթարկելով՝ իրենց ունեցած ինտիմ կապի մասին Ա. Ս.-ի ամուսնուն և հարազատներին հայտնելու սպառնալիքով, ներգործել է վերջինիս հոգեկանի վրա։ Նա տուժող անձին ստիպել է 2023 թվականի ապրիլ ամսից մինչև 2023 թվականի հոկտեմբեր ամիսն ընկած ժամանակահատվածում, քննությամբ դեռևս չպարզված օրերին և վայրերում սեռական հարաբերություններ ունենալ իր հետ:
Ծանուցում․ Հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
