Երևանի քաղաքապետ Տիգրան Ավինյանն անդրադարձել է մայրաքաղաքի կենտրոնում կայանատեղիների նոր սակագներ սահմանելու նախագծին։ Նրա խոսքով՝ համակարգային փոփոխությունները որոշակի քաղաքական պատասխանատվություն և դժվար որոշումների գնալ են ենթադրում.
«Սա մեկ ընդհանուր համակարգի մասնիկ է»,- ասել է նա։
Ըստ Ավինյանի՝ հնարավոր է տասնամյակներով սպասել, բոլոր արդարացումները բերել. «Իսկ Երևանում կենտրոնում մեքենայով շրջելիս ի՞նչ զգացողություն ունեք»։
Քաղաքապետը նշեց, որ Երևանում հանրային տրանսպորտին պետք է տալ արտոնություն, նաև՝ վայրերում, որտեղ տրանսպորտը երթևեկում է, կայանատեղիները պետք է նվազեցնել.
«Առհասարակ, Երևանի կենտրոնը անհատական մեքենաներից պետք է որոշակիորեն բեռնաթափել։ Մեր մեկ ավտոբուսի մեջ 60-ից ավել ավտոմեքենայի չափով մարդ է տեղավորվում։ Ես ձեզ վստահեցնում եմ՝ այս որոշումները բավարար չեն լինելու ամբողջական բեռնաթափման համար, և գալու ենք, նոր սահմանափակումներ քննարկենք»։
