Երևանի հիմնադրման 2750-ամյակի այգում իր դռներն է բացել Սուրբծննդյան տոնավաճառը: Այս մասին հայտնել է Երևանի քաղաքապետարանը։

«62 տաղավարում քաղաքի բնակիչներին ու հյուրերին սպասում են ամանորյա գնումների և համտեսի:

Շահումյանի անվան հրապարակում էլ Լեռնային Ղարաբաղից բռնի տեղահանված մեր հայրենակիցների տաղավարներն են՝ ավանդական խոհանոցով ու ձեռագործ աշխատանքներով:

Տարածքում երեխաների համար գործում է անվճար մանկական կարուսել և գնացք: Տոնավաճառը բաց է ամեն օր՝ ժամը 13:00-ից մինչև 22:00-ն»,- նշված է քաղաքապետարանի հաղորդագրության մեջ։