Fly One Armenia ավիաընկերության բորտուղեկցորդներն ինքնաթիռի սրահում գտել են դրամապանակ, որի մեջ եղել է 5000 դոլար:
«Արմենպրես»-ն այս մասին տեղեկացավ ավիաընկերությունից:
Fly One Armenia-ից մանրամասնում են, որ բորտուղեկցորդները դրամապանակը գտել են դեկտեմբերի 1-ին FlyOne Armenia 3F 316 Մոսկվա-Երևան չվերթն իրականացրած ինքնաթիռի սրահում:
Հայտնաբերված գումարն անմիջապես փոխանցվել է «Զվարթնոց» միջազգային օդանավակայանի անվտանգության ծառայություն։
