Վիկտորյա Հարությունյանը նշանակվել է Երևան քաղաքի Էրեբունի վարչական շրջանի ղեկավարի տեղակալ։ Այս մասին տեղեկությունը հաստատում է Երևանի ավագանու անդամ Անի Խաչատրյանը։
Նշվում է, որ այս պաշտոնում նա նշանակվել է մոտ մեկ ամիս առաջ։
Iravaban.net-ը ներկայացնում է նրա կենսագրությունը, որը հրապարակվել է Երևանի քաղաքապետարանի պաշտոնական կայքէջում։
Ծնվել է 1994թ․ սեպտեմբերի 16-ին, ՀՀ Տավուշի մարզի Բաղանիս գյուղում։
2001-2012թթ․ սովորել է Բաղանիսի միջնակարգ դպրոցում։
2012-2016թթ․ սովորել է Երևանի պետական համալսարանի միջազգային հարաբերությունների և դիվանագիտության ֆակուլտետում։
2014-2018թ․ աշխատել է մասնավոր հատվածում՝ կատարելով ծառայողական բնույթի աշխատանք։
2018-2020թթ․ աշխատել է ՀՀ ԿԱ ՊԵԿ մաքսանենգության դեմ պայքարի վարչությունում՝ որպես վարչության պետի տեղակալի օգնական։
2020-2022թթ․ աշխատել է «Ճանապարհային դեպարտամենտ» հիմնադրամում՝ որպես ճանապարհային ակտիվների կառավարման դեպարտամենտի պետի օգնականի պաշտոնակատար։
2022թ․ փետրվարի 3-24-ին աշխատել է ՀՀ ԱՆ «Փորձագիտական կենտրոն» ՊՈԱԿ-ում՝ որպես գործավար։
2022թ․ փետրվարի 25-ից հունիսի 7-ը աշխատել է Երևանի քաղաքապետարանում՝ որպես քաղաքապետի տեղակալի գործավար։
2022-2023թթ․ աշխատել է Երևանի քաղաքապետարանում՝ որպես քաղաքապետի տեղակալի օգնական։
2023թ․ նոյեմբերի 28-ին նշանակվել է Էրեբունի վարչական շրջանի ղեկավարի տեղակալ։
Ամուսնացած չէ։
