Հայաստանի ազգային պոլիտեխնիկական համալսարանը 2023թ-ի UI GreenMetric World University Rankings-ում ճանաչվել և ընդգրկվել է աշխարհի ամենակայուն համալսարանների վարկանիշային աղյուսակում։ Այս մասին Iravaban.net-ին  տեղեկացրեց Հայաստանի ազգային պոլիտեխնիկական համալսարանի ռեկտոր Գոռ Վարդանյանը։

«Առաջին տարին մասնակցելով սույն վարկանիշավորմանը՝ մեր համալսարանը 84 երկրներից վարկանիշավորված 1200-ի հասնող համալսարանների ցանկում զբաղեցրել է 938-րդ հորիզոնականը, իսկ Հայաստանից վարկանիշային աղյուսակում հայտնված համալսարանների ցանկում 2-րդն է։

Վարկանիշավորման առանձին կշիռներով ազգային մակարդակում մենք բացարձակ առաջատար ենք հետևյալ կատեգորիաներում՝

• Ենթակառուցվածքներ և պայմաններ
•  Էներգիա և կլիմայի փոփոխություն

Այս արդյունքը վկայում է, որ կայուն զարգացումը (Sustainable development) մեր համալսարանի ռազմավարական առաջնահերթություններից է։

Մենք հատուկ ուշադրություն ենք դարձնում կանաչ և վերականգնվող էներգիայի աղբյուրների օգտագործման ծավալների մեծացմանը` մեր կրթական հաստատության կարիքների իքնաբավության բարձրացման նպատակով։ Մեր ենթակառուցվածքներն ու միջավայրը օր օրի բարեփոխում ենք կայուն, կանաչ, ներառական սկզբունքներից ելնելով»,- հայտնել է նա։