Նոյեմբերի 13-ին, ժամը 16։13-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սուրենավան գյուղի վերջնամասում այրվում է անասնագոմ:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ այրվում են գյուղի Չարենցի փողոցի տներից մեկի բակում գտնվող անասնագոմի տանիքը և մոտակայքում պահեստավորած անասնակեր։
Հրդեհը մեկուսացվել է ժամը 17:09-ին, մարվել՝ 18:28-ին: Այրվել են անասնագոմի տանիքի փայտե կառուցատարրերը՝ մասամբ և պահեստավորած անասնակեր՝ մոտ 400 հակ։
