Նոյեմբերի 4-ին «Իջևան» բժշկական կենտրոնից հաղորդում էր ստացվել, որ հրազենային վիրավորումով քաղաքացի է տեղափոխվել բուժօգնության:
ՆԳՆ ոստիկանության Տավուշի մարզային վարչության և Իջևանի բաժնի ծառայողների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ ժամը 12.30-ի սահմաններում Այգեհովիտ բնակավայրի հարակից հանդամասում տեղի ունեցած վիճաբանության ժամանակ այգեհովիտցի 62-ամյա տղամարդը կրակել և մարմնական վնասվածք է պատճառել 25-ամյա համագյուղացուն:
62-ամյա տղամարդը հայտնաբերվել, ձերբակալվել և տեղափոխվել է ոստիկանության Իջևանի բաժին: Նա և կազմված փաստաթղթերը ներկայացվել են Տավուշի մարզային քննչական վարչություն:
Ձեռնարկվում են միջոցառումներ՝ հանցագործության գործիք հրազենը հայտնաբերելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
