ՀՀ ԱԳ նախարարի տեղակալ Վահե Գևորգյանը Ժնևում հանդիպել է մարդու իրավունքների հարցերով ՄԱԿ-ի բարձր հանձնակատար Վոլկեր Թյուրքի հետ։ Տեղեկությունը հայտնում է ՀՀ արտաքին գործերի նախարարության մամուլի ծառայությունը։
«Վահե Գևորգյանը բարձր հանձնակատարին ներկայացրել է Ադրբեջանի կողմից Լեռնային Ղարաբաղի (Արցախի Հանրապետություն՝ խմբ․) ժողովրդի դեմ իրականացված էթնիկ զտման քաղաքականությունը և մարդու իրավունքների զանգվածային խախտումներն ու ոճրագործությունները»,– նշված է հաղորդագրության մեջ։
Նշվում է, որ հանդիպման ընթացքում քննարկվել են Արցախից բռնի տեղահանված փախստականների իրավունքների պաշտպանության հարցերը։
