Հունիսի 19-ին, ժամը 19։20-ից Տավուշի մարզային փրկարարական վարչության ճգնաժամային կառավարման կենտրոնում բազմաթիվ ահազանգեր են ստացվել այն մասին, որ Իջևան քաղաքում տեղացած հորդառատ անձրևը, կարկուտը և քամին պատճառել են զգալի վնասներ:
Ըստ առաջնահերթության՝ բոլոր ահազանգերը սպասարկվել և փոխանցվել են համապատասխան ծառայություններին։
Տարածքում ստեղծված իրավիճակի գնահատման և կոմունալ էներգետիկ ենթակառուցվածքների, հաղորդակցման ուղիների ուսումնասիրության նպատակով դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ կան շրջված ծառեր (ավտոմեքենաների, տների և գազատար խողովակների վրա), սելավաջրերում արգելափակված ավտոմեքենաներ, ջրաբերուկներից փակված ավտոճանապարհներ, ջրալցված տներ և շինություններ, վնասված տանիքներ, էներգամատակարարման և գազամատակարարման ցանցի խափանումներ։
Կարկուտի և տեղացած հորդառատ անձրևի հետևանքով վնասվել են նաև բերքատու այգիներ և մշակաբույսերի ցանքատարածություններ, վթարներ են գրանցվել կոմունալ-էներգետիկ համակարգերում:
Հրշեջ-փրկարարները մասնատել և հեռացրել են կոտրված ծառերը, մեկ հասցեում վերականգնել էներգամատակարարումը:
Տեղում աշխատանքներ են իրականացրել քաղաքապետարանի տրամադրած հատուկ տեխնիկաները, էլ․ ցանցի, գազի վթարային ծառայության և «Լևոն 2» ՃՇՇ-ի բրիգադը։
Հասցված վնասի չափերը ճշտելու նպատակով Տավուշի մարզպետարանում և Իջևանի համայքապետարանում ստեղծվել են հանձնաժողովներ:
![](https://iravaban.net/wp-content/uploads/2023/06/355294574_207449392251171_7523581106470316322_n.jpg)
![](https://iravaban.net/wp-content/uploads/2023/06/355468065_207449378917839_4921403902205203237_n.jpg)
![May be an image of snowplow](https://scontent.fevn1-2.fna.fbcdn.net/v/t39.30808-6/355303527_207449388917838_7349067054707790071_n.jpg?_nc_cat=103&ccb=1-7&_nc_sid=730e14&_nc_ohc=51PAEi41ProAX_p85BY&_nc_ht=scontent.fevn1-2.fna&oh=00_AfDEXnfDfGFWUTx5fslXuVIP_mE_g7kWDJt3Fuksi-WuAQ&oe=649570C5)
![No photo description available.](https://scontent.fevn1-2.fna.fbcdn.net/v/t39.30808-6/355382729_207449405584503_7491192830287482638_n.jpg?_nc_cat=105&ccb=1-7&_nc_sid=730e14&_nc_ohc=mlSuJKVQE24AX_ymtr0&_nc_ht=scontent.fevn1-2.fna&oh=00_AfD6iJDJCoGpphrxjbXopIeY15Ro6nuZp1CERo9gwkmdEg&oe=6495F2CE)
![May be an image of tree and grass](https://scontent.fevn1-4.fna.fbcdn.net/v/t39.30808-6/355440481_207449395584504_7514952735566590781_n.jpg?_nc_cat=106&ccb=1-7&_nc_sid=730e14&_nc_ohc=3-NvE-TUL2YAX9-CWP3&_nc_ht=scontent.fevn1-4.fna&oh=00_AfAaCusvpdwrDCO1X7ckJ-oepHJsCysTdFVDySznvgIjwA&oe=64974F49)
![Возможно, это изображение 4 человека, автомобиль и скорая помощь](https://scontent.fevn1-2.fna.fbcdn.net/v/t39.30808-6/355340840_207459488916828_7561103772802782713_n.jpg?_nc_cat=104&ccb=1-7&_nc_sid=730e14&_nc_ohc=iMkrnn_wOa8AX-RMuVr&_nc_ht=scontent.fevn1-2.fna&oh=00_AfDQwkk-Mu5p7QQkO1DWf9ksY0asCjYPqjlgqMS9BWqeZw&oe=649751E3)