Հայ գործարարների ասոցիացիան անցկացրել է իր ներդրումային նախագծերի առաջին փակ հանդիպումը։ Միջոցառմանը ներկա էին վերջին 2 տարիների ընթացքում Buissup ծրագրի շրջանակներում ներդրում ստացած 14 ընկերությունները։
Հիմնադիրները ներկայացրեցին ներդրողի հետ աշխատանքի արդյունքում ստացված ձեռքբերումները, ինչպես նաև կիսվեցին այս պահին առկա խնդիրներով և խոչընդոտներով։
Հայ գործարարների ասոցիացիայի հետ համագործակցության արդյունքում առավել զգալի հաջողությունների է հասել QaylTech ընկերությունը, որն իրականացրել է իր միջազգային շուկա մուտք գործելու լայնածավալ ռազմավարությունը։ Առաջատար վերականգնողական կենտրոններից մեկի հետ համատեղ ք. Մոսկվայում բացվել է QaylTech-ի առաջին շոուրումը, որտեղ այժմ ներկայացված են իրենց կողմից ստեղծված նորարարական սարքավորումները։
Հայ նկարիչների աշխատանքներով շարֆեր ստեղծող Արտույտ բրենդն այս մեկ տարվա ընթացքում ձեռք է բերել համաշխարհային ճանաչելիություն։ Արտույտն ընդլայնել է իր տեսականին և մուտք գործել Միացյալ Նահագների և Ղազախստանի շուկաներ։ Վերջերս բացվել է նաև բրենդի խանութ-սրահը։
Text’nPayMe նորարական ֆինանսական ստեղնաշարը այս երկու տարիների ինտենսիվ աշխատանքի արդյունքում ինտեգրման պայմանավորվածություն է ձեռք բերել երկու խոշոր բանկերի հետ և շատ շուտով մուտք կգործի հայկական և միջազգային շուկաներ։ Ընկերությունն ընդգրկվել է նաև աշխարհի ամենամեծ ստարտափ աքսելերատոր՝ 500 Global-ի անդամների շարքում։
Group 404 ստարտափը, որը մոդելավորել է 3 նորարական տարբեր ուղղվածությունների սարքավորում, այժմ կառուցում է դրանց պրոտոտիպերը և մշակում շուկա մուտք գործելու ռազմավարությունը։
Հայ գործարարների ասոցիացիայի արժեքների հիմքում ընկած է ներդրումային նախագծերի հետ գործընկերային աշխատանքային միջավայրի ձևավորումը, որտեղ կարևորվում է անհատական մոտեցումը յուրաքանչյուր ընկերությանը։
Հայ գործարարների ասոցիացիայի ներդրումային գործունեությունը իրականացվում է «Տաշիր» ընկերությունների խմբի աջակցությամբ։
