Մայիսի 26-ին ՊՆ վարչական համալիրում տեղի է ունեցել ՀՀ պաշտպանության նախարարին կից կոլեգիայի հերթական նիստը։
Նիստի ընթացքում քննարկվել են ՀՀ ԶՈՒ կառուցվածքի հիմնական ուղղությունները, առկա խնդիրներն ու լուծման ուղիները։
Բացելով նիստը և դիմելով ներկաներին՝ պաշտպանության նախարար Սուրեն Պապիկյանը նշել է, որ այն բոլոր ծրագրերն ու առաջնահերթ անելիքները, որոնք որդեգրել է պաշտպանական գերատեսչությունը, պետք է իրականացվեն պատշաճ, որակով և սահմանված ժամկետում։
Անդրադարձ է կատարվել ինժեներական և ամրաշինական կառույցների կահավորման ուղղությամբ իրականացվող աշխատանքներին, հատուկ նշանակության նոր ստորաբաժանումների կազմավորման և համալրման գործընթացին, ինչպես նաև առաջիկա օրերին մեկնարկող զինծառայողների ատեստավորման քննություններին:
Հնչել են զեկույցներ, ըստ ուղղությունների ներկայացվել են մանրամասներ՝ ընթացող և կատարված աշխատանքների վերաբերյալ։
Նիստի ավարտին պաշտպանության նախարար Սուրեն Պապիկյանը հանձնարարականներ և ցուցումներ է տվել համապատասխան ստորաբաժանումների ղեկավարներին:
![May be an image of 8 people and text](https://scontent.fevn1-3.fna.fbcdn.net/v/t39.30808-6/347639769_917760282663161_7898130557440072081_n.jpg?_nc_cat=111&ccb=1-7&_nc_sid=730e14&_nc_ohc=aCwT_0OqdZcAX_4OEMt&_nc_ht=scontent.fevn1-3.fna&oh=00_AfCo6EpPYCLGLBn29T9I_6zbzUPg8VoA6az4gMxaRglwGA&oe=6474BC7A)
![May be an image of 8 people](https://scontent.fevn1-1.fna.fbcdn.net/v/t39.30808-6/347420826_959704108404704_1721991599944136613_n.jpg?_nc_cat=110&ccb=1-7&_nc_sid=730e14&_nc_ohc=qmr6crX8T_sAX-yNzhs&_nc_ht=scontent.fevn1-1.fna&oh=00_AfCnLjmfqhFggQE0sb4X87Tvj-vvoilPJmlASKtU9glBFQ&oe=64747F80)