Շարունակվում են պաշտպանության նախարար Սուրեն Պապիկյանի անակնկալ ստուգայցերը ՊՆ զորամասեր:
Այս մասին հայտնում են Պաշտպանության նախարարությունից։
Մայիսի 5-ին ՀՀ պաշտպանության նախարար Սուրեն Պապիկյանն անակնկալ ստուգայցով եղել է ՊՆ N զորամասում:
Պաշտպանության նախարարը շրջել է զորամասում, հետևել օրվա կարգացուցակով նախատեսված ուսումնական մարտավարամասնագիտական պարապմունքների ընթացքին, զրուցել ժամկետային զինծառայողների հետ, հետաքրքրվել ծառայությամբ:
Պաշտպանության նախարարը հորդորել է զինծառայողներին ամենայն պատասխանատվությամբ մոտենալ ուսումնական գործընթացին, սերտել առավելագույնը՝ մշտական ծառայության վայրերում կրտսեր հրամանատարի պարտականությունները պատշաճ կատարելու համար:
Նախարար Պապիկյանը շրջել է զորամասում, ծանոթացել սոցիալ-կենցաղային պայմաններին և հետևել նոր կառուցվող ճաշարանի շինարարական աշխատանքների ընթացքին: Պաշտպանական գերատեսչության ղեկավարը նաեւ հարգանքի տուրք է մատուցել 44-օրյա պատերազմի ընթացքում զոհված զինծառայողների հիշատակը հավերժացնող հուշաքարի մոտ:
![Нет описания фото.](https://scontent.fevn1-4.fna.fbcdn.net/v/t39.30808-6/342545246_158533273844536_3257675088885620039_n.jpg?_nc_cat=106&ccb=1-7&_nc_sid=8bfeb9&_nc_ohc=uTvD7HUfh1wAX-hrXKG&_nc_ht=scontent.fevn1-4.fna&oh=00_AfARfF3ScqK75NzjLb8oxoKWjcUP4m8nZmCEcLEJEVYq2Q&oe=64594CC2)
![](https://scontent.fevn1-1.fna.fbcdn.net/v/t39.30808-6/343143504_703792954885165_7160044798687502475_n.jpg?stp=cp6_dst-jpg&_nc_cat=102&ccb=1-7&_nc_sid=8bfeb9&_nc_ohc=9Qxwab3vxFEAX8kIPtM&_nc_ht=scontent.fevn1-1.fna&oh=00_AfDEIRwqnMhSCH_aD1d1_Aef8ivqufT9_KfumFXhw5F0Ow&oe=6458CE97)
![](https://scontent.fevn1-1.fna.fbcdn.net/v/t39.30808-6/345291806_1228894378042259_47661114498869902_n.jpg?stp=cp6_dst-jpg&_nc_cat=110&ccb=1-7&_nc_sid=8bfeb9&_nc_ohc=UZAXalGgzSwAX_aXX_7&_nc_ht=scontent.fevn1-1.fna&oh=00_AfA9r81RrpYOiL83xcss-5Q1TT1MovOEMtBXL8-fhV1FBQ&oe=6458D0AC)
![](https://iravaban.net/wp-content/uploads/2023/05/345020027_1235895090401242_87289477429923511_n.jpg)