Ազգային ժողովում Կառավարության հետ հարցուպատասխանի ժամանակ իշխող խմբակցության պատգամավոր Էդուարդ Աղաջանյանն անդրադարձավ «Պոլիգրաֆ» ակումբում տեղի ունեցած խուզարկությանը։
«Սովորաբար նման ռեյդերի վայրերի ընտրությունները կանգնում են մշակութապես որոշակիորեն տարբերվող հաստատությունների վրա, որոնք, եթե ձևակերպեմ հնարավորինս իրականությանը մոտ տարբերվում են այն ժամանցային մշակութային հիմնական ուղղություններից, որը գերակշռում է ՀՀ-ում։ Ինչպե՞ս է ստացվում, որ հենց նմանատիպ տեղերում են այս ռեյդերն իրականացվում՝ հաշվի առնելով, որ ես կիսում եմ տիկին Կարապետյանի այն գնահատականը, որ այսօր որևէ միջին վիճակագրական խնջույք ՀՀ-ում, եթե նմանատիպ ռեյդի միջով անցնի, վստահաբար նմանատիպ, եթե ոչ ավել զանգվածներ ի հայտ կգան։ Հարցս դրանումն է․ ինչո՞վ է պայմանավորված այս մոտեցումը, ուզում եմ նաև Ձեր ուշադրությունը հրավիրել այն հանգամանքի վրա, որ այս տեսակի, այս տիպի հաստատությունները նրանք են, որոնք ամենամեծ տուրիստական շարժերը և հոսքերն ունեն, կարծում եմ՝ այս համատեքստում ևս կարելի է հասկանալ, թե ինչու են այս հաստատություններում նմանատիպ ռեյդեր իրականացվում»,-ասաց պատգամավորը։
«Ուզում եմ մի բան արձանագրել՝ ամեն անգամ մենք ռեյդեր չենք անում, ինչքա՞ն գիշերային ակումբներ մենք ունենք Երևան քաղաքաում։ Մենք ունենք օպերատիվ տեղեկություններ, մենք պարտավոր ենք արձագանքել։ Ինձ թվում է՝ դրանով մեծ, որևէ, եսիմ ինչ, մեծ խոչընդոտ չենք հանդիսացել տվյալ տնտեսվարողին։ Մենք կատարել ենք մեր գործառույթները, կարևորը՝ մենք ունենք արդյունք։ Այ, եթե չունենայինք արդյունք, դա հարցի մյուս կողմն է։ Ուզում եմ ֆիքսենք մի բան՝ մենք որևէ կամայական կամ անձնավորված, թիրախավորված օբյեկտներ չենք մտնում»,-ասաց Վահե Ղազարյանը։
