Ամբաստանյալի դիրքորոշման ճշտումից հետո, լսելով կողմերի կարծիքը, դատարանը որոշում է, թե ի՞նչ կարգով պետք է հետազոտվեն ապացույցները, և ե՞րբ է հարցաքննվում ամբաստանյալը:
Նախագահողի թույլտվությամբ ամբաստանյալն իրավունք ունի ապացույցները հետազոտելիս ցանկացած պահի տալ ցուցմունքներ:
Նա կարող է նաև այլ անձանց հարցաքննության ընթացքում հարցեր տալ:
Նախագահողն ամբաստանյալին առաջարկում է ցուցմունք տալ նրան առաջադրված մեղադրանքի և գործի այլ հանգամանքների մասին:
Այնուհետև նրան կարող են հարցաքննել սկզբից իր պաշպանը, ապա դատավարության մյուս մասնակիցները ըստ սահմանված հերթականության:
Նշենք, որ ամբաստանյալին վերջում հարցեր տալու իրավունքը ևս վերապահված է իր պաշտպանին:
Հարցաքննելիս ամբաստանյալն իրավունք ունի օգտվել նշաններից և փաստաթղթերից :
