Սեպտեմբերի 3-ին, ժամը 06.25-ին, ոստիկանության Երևան քաղաքի վարչության օպերատիվ կառավարման կենտրոն է զանգահարել մի քաղաքացի և հայտնել, որ Իսահակյան փողոցում գտնվող «ՎՏԲ» բանկի մոտի խանութի ապակին կոտրել և գողություն են կատարել:

Ոստիկանության Երևան քաղաքի վարչության ՊՊԾ գնդի 1-ին գումարտակի 2-րդ վաշտի և Մարաշի բաժանմունքի ծառայողները ժամը 06.40-ին Իսահակյան փողոցի և Բաղրամյան պողոտայի խաչմերուկից, գողություն կատարելու կասկածանքով, բերման են ենթարկել 1981 թ. ծնված Արթուր Պ.-ին, որը նույն օրը, ժամը 06.00-ին, Բաղրամյան պողոտայի թիվ 2 հասցեում գտնվող  կրպակի ապակին կոտրելով՝ փորձել է գողություն  կատարել, սակայն հարակից  ռեստորանի պահակը նկատել և բռնել է նրան:

Ոստիկանությունից տեղեկացնում են, որ կատարվում է հետաքննություն:

Իրավաբան.net