Մոսկվան վերահաստատում է իր պատրաստակամությունը՝ կազմակերպելու Ռուսաստանի, Հայաստանի և Ադրբեջանի արտաքին հարաբերությունների գերատեսչությունների ղեկավարների եռակողմ հանդիպում, որը նախկինում չի կայացել։ Այս մասին հայտնում է ՌԴ ԱԳՆ ներկայացուցիչ Մարիա Զախարովան: Այս մասին գրում է TACC լրատվական գործակալությունը:
«Ռուսական կողմը հաստատում է իր պատրաստակամությունը Մոսկվայում [Ռուսաստանի արտգործնախարար] Սերգեյ Լավրովի հովանու ներքո բանակցություններ կազմակերպելու Ադրբեջանի և Հայաստանի արտգործնախարարների միջև։ Մենք կարծում ենք, որ պարբերաբար առաջացող բարդությունները չպետք է դառնան խոչընդոտ, բանակցային գործընթացի սառեցման համար»,-նշել է նա:
Զախարովան նշել է, որ անհրաժեշտ է հնարավորինս արագ վերսկսել աշխատանքը հայ-ադրբեջանական հարաբերությունների կարգավորման բոլոր ուղղություններով, ներառյալ տրանսպորտային հաղորդակցությունների ապաշրջափակումը, սահմանի սահմանազատումը, խաղաղության պայմանագրի կնքումը և քաղաքացիական հասարակության շփումները։
«Լաչինի միջանցքի երկայնքով ստեղծված իրավիճակի վերաբերյալ ՌԴ ՊՆ-ն և ռուսական խաղաղապահ զորախմբի հրամանատարությունը մշտական կապի մեջ են բոլոր շահագրգիռ կողմերի հետ: Լրջորեն ջանքեր են գործադրվում իրավիճակը կարգավորելու համար։ Ի տարբերություն արտաքին խաղացողների մեծամասնության, որոնք սահմանափակվում են դեէսկալացիայի կոչերով, հայտարարություններով:
Մենք կոչ ենք անում ամբողջությամբ ապաշրջափակել Լաչինի միջանցքը՝ համաձայն Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի հայտարարության, և կոչ ենք անում Բաքվին և Երևանին քաղաքական կամք դրսևորել առկա տարաձայնությունները արագ լուծելու համար։
