Նախագահ Վահագն Խաչատուրյանը հունվարի 13-ին հրամանագիր է ստորագրել՝ դիվանագիտական աստիճան շնորհելու վերաբերյալ․
«Հիմք ընդունելով վարչապետի առաջարկությունը՝ համաձայն Սահմանադրության 132-րդ հոդվածի 3-րդ մասի, ինչպես նաև «Դիվանագիտական ծառայության մասին» օրենքի 21-րդ հոդվածի 1-ին մասի.
Արտակարգ դեսպանորդ և լիազոր նախարարի դիվանագիտական աստիճան շնորհել՝
Սոս Վահեի ԱՎԵՏԻՍՅԱՆԻՆ Իսպանիայի Թագավորությունում Հայաստանի Հանրապետության արտակարգ և լիազոր դեսպան
Արման Լևոնի ԽԱՉԱՏՐՅԱՆԻՆ Եվրոպայի խորհրդում Հայաստանի Հանրապետության մշտական ներկայացուցիչ
Վահագն Սերգեյի ԱՖՅԱՆԻՆ Հայաստանի Հանրապետության արտաքին գործերի նախարարության սահմանակից երկրների վարչության պետի պաշտոնակատար»,-նշվում է հրամանագրում:
