Գլխավոր դատախազ Աննա Վարդապետյանը դեկտեմբերի 2-ին հրաման է ստորագրել, որով Տաթևիկ Սարուխանյանն ազատվել է Գլխավոր դատախազի խորհրդականի պաշտոնից։

Վարդապետյանի մեկ այլ հրամանով Սարուխանյանը նշանակվել է դատախազության գլխավոր քարտուղարի տեղակալի պաշտոնում։

Հիշեցնենք, որ Սարուխանյանը խորհրդականի պաշտոնում նշանակվել էր հոկտեմբերի 17-ին։

Նախկինում Սարուխանյանը զբաղեցրել է արդարադատության նախարարության հակակոռուպցիոն և քրեակատարողական քաղաքականության մշակման վարչության հակակոռուպցիոն քաղաքականության մշակման բաժնի փորձագետի պաշտոնը։

Այնուհետև աշխատանքի է անցել վարչապետի աշխատակազմում։