Եվրամիությունը  պատրաստվում է իր դիտորդական առաքելությունը տեղակայել Հայաստանի Ադրբեջանի հետ սահմանի երկայնքով։ Այս մասին ֆեյսբուքյան իր էջում գրառում է կատարել Հայաստանում Ֆրանսիայի նախկին դեսպան Ժոնաթան Լաքոթը։

Նա գրել է, որ 1988 թվականի հակամարտության սկզբից ի վեր առաջին անգամ Ֆրանսիայի և Եվրամիության նախաձեռնությամբ տեղում հաստատվել է միջազգային ներկայություն։

Լաքոթը նշել է, որ Այս առաքելության մասին հայտարարվել է հոկտեմբերի 6-ին Պրահայում կայացած քառակողմ հանդիպման ավարտին։