ԱՄՆ Բազմազանության վիզաների ծրագրի՝ «Գրին քարտի» խաղարկության 2024 թվականի հայտերի ընդունման ժամկետը հայտնի է։

Այս մասին Iravaban.net–ը տեղեկանում է ԱՄՆ Պետքարտուղարության Հյուպատոսական ծառայությունների բյուրոյից։

ԱՄՆ Պետդեպարտամենտի 2024 Բազմազանության վիզաների ծրագրի (DV-2023) համար կարող եք տվյալներ ներկայացնել 2022 թվականի հոկտեմբերի 5-ին, ժամը 12:00-ից (EDT) (GMT-4) մինչև 2022թ․ նոյեմբերի 8-ը՝ ժամը 12:00-ին (EST) (GMT-5):

ԱՄՆ փոստային ծառայության միջոցով ներկայացված դիմումները ՉԵՆ ընդունվում: Դիմորդները կարող են որակազրկվել մուտքագրման ձևը ճիշտ չլրացնելու կամ մեկից ավելի հայտեր ներկայացնելու համար: Առցանց մուտքի դիմումն անվճար է:

Զգուշացեք խարդախություններից և խաբեություններից։ Որոշ կայքերի և էլեկտրոնային նամակների միջոցով փորձ է արվում մոլորեցնել հաճախորդներին՝ ներկայանալով որպես ԱՄՆ կառավարության պաշտոնական տեղեկատվության մատակարարներ:

Հայտնի է նաև, որ 2024 թվականի հայտերի համար հասանելի կլինի մինչև 55,000 բազմազանության վիզա։