Ընդհանուր առմամբ, պետք է արձանագրել, որ լարված է սահմանին, և այդ լարվածությունն այս պահի դրությամբ կայուն պահպանվում է։ Այս մասին Հանրային հեռուստաընկերությանը տված հարցազրույցում հայտարարել է վարչապետ Նիկոլ Փաշինյանը։
«Այդ առումով, հաշվի առնելով նաև Ադրբեջանի ագրեսիվ և ռազմական հռետորաբանությունը, իհարկե, նոր սադրանքները բացառված չեն։ [Նիկոլ Փաշինյան]»,-նշել է նա։
Վարչապետի խոսքով՝ ադրբեջանական կողմի վերջին սադրանքի ժամանակ զոհված զինծառայողների անունները չեն հրապարակվում թյուրիմացություններից խուսափելու համար։ Ըստ նրա՝ դեպքեր են եղել, երբ վիզուալ նույնականացում է իրականացվել հարազատների կողմից, սակայն ԴՆԹ նույնականացմամբ այլ բան է պարզվել․ «Կա գործող օրենքով սահմանված ինստիտուցիոնալ մեխանիզմ, որով հրապարակվում են դե յուրե հաստատված դեպքերը»։
