Այսօր՝ սեպտեմբերի 25-ին, Թբիլիսիում Վրաստանի իշխող «Վրացական երազանք» կուսակցության հիմնադիր, Վրաստանի նախկին վարչապետ, մեծահարուստ Բիձինա Իվանիշվիլիի և նրա ստեղծած համակարգի դեմ «ბиძи на ხуй» խորագրով ցույց է անցկացվել:
Այս մասին տեղեկանում ենք Aliq.ge լրատվական կայքից։
Ցույցը կազմակերպել էր Վրաստանի ընդդիմադիր «Գիրչի» կուսակցության առաջնորդ Զուրաբ Ջափարիձեն է: Ցույցի անոնսում Ջափարիձեն Վրաստանի ապագայով մտահոգ քաղաքացիներին հորդորել էր միանալ ակցիային:
Ըստ ցույցի կազմակերպչի, այս ակցիան այն մարդկանց համար է, որվքեր կարծում են, որ.
- Իվանիշվիլիի իշխանությունը ոչ լեգիտիմ է, քանի որ առնվազն վերջին երեք ընտրությունները կեղծվել են,
- քանի դեռ գործող կառավարման համակարգը չի փոխվել՝ դեպի Եվրոպա և ՆԱՏՕ առաջընթաց չի լինի,
- կառավարման այս համակարգը փոխելու հնարավորությունը, այսինքն՝ ապաօլիգարխացումը, կհայտնվի միայն ընտրություններում համակարգի ներկայիս առաջնորդ Իվանիշվիլիի պարտությունից հետո,
- Իվանիշվիլիի պարտությունը հրատապ է, քանի որ՝ ա) Արևմուտքում Վրաստանի առջև բացված հնարավորությունների պատուհանը կարող է շուտով փակվել, և բ) երկիրը դատարկվում է քաղաքացիներից:
Որպես խնդրի լուծում ցույցի կազմակերպիչները նշում են, որ հնարավորինս արագ պետք է հասնել արտահերթ ընտրությունների:
«Արտահերթ ընտրությունների հասնելու ճանապարհը հզոր բողոքի շարժում ստեղծելն է, որը Իվանիշվիլիին կստիպի հետ կանգնել և արտահերթ ընտրություններ նշանակել։ Սա որևէ կուսակցության կամ շարժման հանդիպում չէ, դա անարդարությունից զայրացած մարդկանց հանդիպում է»,- նշել են կազմակերպիչները:
