Ոստիկանության ՔՈԳՎ, Տավուշի մարզային վարչության և Դիլիջանի բաժնի ծառայողների համատեղ ձեռնարկած օպերատիվ-հետախուզական միջոցառումների արդյունքում օգոստոսի 19-ին Դիլիջան քաղաքի Օրջոնոկիձեի փողոցի տներից մեկում հայտնաբերվել, ձերբակալել և Դիլիջանի բաժին է բերվել 60-ամյա Սուրեն Ս.-ն, որը հուլիսի 29-ից ՌԴ Ստավրոպոլի երկրամասի ոստիկանության կողմից հետախուզվում է ՌԴ քրեական օրենսգրքի 291-րդ հոդվածի (Պաշտոնատար անձին կաշառք տալը) մեղադրանքով:
Այս մասին տեղեկանում ենք ոստիկանությունից։
Առանց խափանման միջոցի:
Հայտնաբերման մասին տեղյակ է պահվել հետախուզումը նախաձեռնողին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
