Ոստիկանության պետ Վահե Ղազարյանը Կառավարության հուլիսի 21-ի նիստում ներկայացրեց ոստիկանությանը գումար հատկացնելու և մեկ անձից գնում կատարելու վերաբերյալ հարցը:
«Արագածոտնի, Գեղարքունիքի, Կոտայքի և Տավուշի մարզերում նոր ձևավորվող պարեկային ծառայության ստորաբաժանումների համար ավտոտրանսպորտային միջոցներ ձեռք բերելու համար հայտարարվել էր մրցութային ընթացակարգ: Պարզվել է, որ հայտարարված տեխնիկական բնույթով, քանակով՝ թվով 175 միավոր և նախատեսված ժամկետում ավտոտրանսպորտային միջոց մատակարարելու պարտավորություն կարող է միայն «Տոյոտա Երևան» ՍՊԸ-ն՝ նախատեսվող գումարը ամբողջությամբ հատկացնելու դեպքում»,-ասաց Վահե Ղազարյանը:
Մեքենաների ձեռք բերման համար կհատկացվի 3 միլիարդ 107 միլիոն 500 հազար դրամ:
Վարչապետ Նիկոլ Փաշինյանն ասաց, որ այս հարցը կարող էին նաև չզեկուցվող ընթացակարգով ընդունել:
«Բայց քանի որ կան զգայուն ձևակերպումներ, զգայուն վերնագրեր, և նաև նախապատմություն կարևոր համարեցի զեկուցել և ներկայացնել, թե ինչի մասն է խոսքը»,-նշեց նա:
Մանրամասները՝ տեսանյութում:
