Ազգային ժողովի խորհուրդն Ալեն Սիմոնյանի նախագահությամբ հունիսի 13-ին գումարել է նիստ:
Խորհրդի անդամները քննարկել եւ հաստատել են ԱԺ ութերորդ գումարման երրորդ նստաշրջանի օրակարգում լրացումներ կատարելու մասին եւ հունիսի 14-ին գումարվող հերթական նիստերի օրակարգի նախագծերը:
Սահմանվել է նաեւ հերթական նիստերի օրակարգային հարցերի քննարկման հաջորդականությունը:
Հունիսի 14-ին գումարվող ԱԺ հերթական նիստերի օրակարգի նախագծում կընդգրկվի 22 հարց:
Փոփոխություններ են կատարվել Ազգային ժողովի խորհրդի` բարեկամական խմբերի կազմերին վերաբերող որոշման մեջ:
Անկախ պետությունների համագործակցության մասնակից պետությունների միջխորհրդարանական վեհաժողովում (ԱՊՀ) ԱԺ պատվիրակության կազմում Անուշ Բեղլոյանին կփոխարինի «Քաղաքացիական պայմանագիր» խմբակցության պատգամավոր Միքայել Թումասյանը: Իսկ Սեւծովյան տնտեսական համագործակցության խորհրդարանական վեհաժողովում (ՍԾՏՀ ԽՎ) ԱԺ պատվիրակության կազմում «Քաղաքացիական պայմանագիր» խմբակցության պատգամավոր Գեւորգ Պապոյանը կփոխարինի Անուշ Բեղլոյանին:
