Դեմիրճյան փողոցում ապրող քաղաքացիները մի քանի ժամ չեն կարողացել խանութ իջնել, իրենց երեխաներին մանկապարտեզից բերել իսկ Նիկոլ Փաշինյանն ասում է, որ երկրում պրոցես չկա, ամեն ինչ հանդարտ է: Այս մասին այսօր՝ մայիսի 25-ին, Գարեգին Նժդեհի հրապարակում տեղի ունեցած հանրահավաքի ժամանակ ասաց Ազգային ժողովի փոխնախագահ Իշխան Սաղաթելյանը:
«Նա ուզում է այդ խոսքերով իր թիմին հույս տալ, որովհետև գիտի, որ հենց թիմը վտանգ զգաց առաջինն է իրեն լքելու: Այն տպավությունը, որ ուզում են ստեղծել, թե երկրում ամեն ինչ հանգիստ է այսօր դուք արդեն ապացուցել եք, թե ինչ իրավիճակ է: Այսօր դուք մոտ 3 ժամ արգելափակել եք նախագահական ու անվտանգության շենքերը:
Ներողություն եմ խնդրում, բայց Նիկոլը մեր ժողովրդին էշի տեղ է դրել: Չորս տարի շարունակ ամեն օր հայ մարդուն խաբել է՝ պատերազմ, պարտություն ու կորուստ բերել»,- ասաց նա:
Երթի մասնակիցները հանրահավաքից հետո քայլերթով շարժվեցին դեպի Ֆրանսիայի հրապարակ, որտեղ ԱԺ փոխնախագահի խոսքով կարևոր հայտարարություններ են հնչելու:
