«Դիմադրություն» շարժումը երեկ և այսօր անհնազանդության ակցիաներ չի անցկացրել: Այսօր Ֆրանսիայի հրապարակում` ժամը 18:00-ին, նախատեսված է համազգային հանրահավաք անցկացնել:
Երեկ Ֆրանսիայի հրապարակում ասուլիս տվեց «Դիմադրություն» շարժման համակարգող Իշխան Սաղաթելյանը, ով հայտարարեց, որ հաջորդ շաբաթվանից փոխվելու է շարժման մարտավարությունը: Ըստ Սաղաթելյանի «Շարժումը վերջին 30 տարվա Հայաստանի անկախ պատմության մեջ բացառիկ է իր ծավալներով, իր չափերով, իր ժողովրդականությամբ, և նրա բնորոշմամբ Ղարաբաղյան երկրորդ շարժում է:
Հիշեցնենք, որ մայիսի 2-ից խաղաղ անհնազանդության ակցիաներ են սկսվել Երևանում, ամեն օր փակվում են մի շարք փողոցներ, շրջափակվում կառավարական եւ պետական շենքեր: Շարժման ակցիաներին մասնակցում են ինչպես խորհրդարանական ընդդիմությունը, այնպես էլ արտախորհրդարանական քաղաքական ուժերը:
