Հունվարի 2-ին, ժամը 02.55-ին, հիվանդանոցից ոստիկանության Ստեփանավանի բաժնում հաղորդում է ստացվել, որ «ձախ գոտկատեղի կտրած-ծակած վերք» ախտորոշմամբ բուժօգնության է դիմել 22-ամյա մի տղամարդ:
Այս մասին տեղեկանում ենք ոստիկանությունից։
Հիվանդանոց էր մեկնել օպերատիվ խումբ։ Ըստ տուժածի՝ վնասվածքը ստացել էր ընկնելու հետևանքով:
Հարուցված քրեական գործի շրջանակում ձեռնարկված օպերատիվ-հետախուզական միջոցառումների և իրականացված քննչական գործողությունների արդյունքում պարզվել է, որ հունվարի 2-ին, ժամը 02.00-ի սահմաններում, Կաթնաղբյուր գյուղի «Լույսաղբյուր» կոչվող տեղամասում 34-ամյա տղամարդը կենցաղային հարցի շուրջ ծագած վիճաբանության ժամանակ իր մոտ եղած խոհանոցային դանակով հարվածել է տուժածի կրծքավանդակին՝ պատճառելով ծանր մարմնական վնասվածք:
Տղամարդը ձերբակալվել է:
Դանակը հայտնաբերվել և առգրավվել է:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
